Markmið með fjölgreindarkenningunni
*Að nemendur fái að vinna með allar greindirnar
*Að nemendur fái fjölbreyttar kennsluaðferðir
*Að nemendur verði meðvitaðir um hvaða greindir þeir eru að vinna með
*Eftir áramót fái nemendur að velja sér hvaða greindir þeir vilja vinna með í ákveðnum verkefnum

Leiðir
*Vinna ýmis þemaverkefni sem snerta flestar eða allar greindirnar
*Nota mismunandi kennsluaðferðir og áherslur í kennslunni
*Í lok hvers dags spjalla saman um hvaða greindir við vorum að vinna með
*Þemavika með áherslu á leiðir tengdar fjölgreindarkenningunni
*Eftir áramót bjóða uppá val við úrlausnir á ákveðnum verkefnum, hvaða greind nemendur vilja nota við úrlausnir
*Nýta sér heim ævintýranna

Markmið með Ævintýrunum í kennslustofunni
*Að læra í gengum leik
*Að gera kennslustofuna að ævintýraheim þar sem nemendur geta prufað mismunandi hlutverk
*Að nemendur fái að skapa ævintýrablæ á kennslustofunni með verkum sínum
*Að kynnast mismunandi ævintýrum
*Að kynnast hvernig á að byggja upp sögu eða ævintýri
*Að tengja allar námsgreinar við ævintýraheiminn

Leiðir með ævintýri í kennslustofunni
*Nemendur gefa kennslustofunni ævintýrablæ með því að búa til regnboga í regnbogaland, kastala í ævintýraland, skuggaleikhús í ljós og skuggalandi,
(og......töluland, náttúru- og vísindaland, rýmisland, orðaland, upplýsingaland, kubbaland)
*Að lesa mismunandi ævintýri og sögur fyrir nemendur
*Hafa ævintýrabækur sýnilegar, þar sem þeir eiga auðvelt með að nálgast þær
*Búa til sögur með mismunandi ævintýrahetjum með áherslu á uppbyggingu á sögunum
*Vinna með skuggaleikhús í ljós og skuggalandi
*Vinna með fingrabrúðuleikhús
*Fara í hlutverkaleik í ævintýralandi
*Vinna með allar námsgreinar í tengslum við ævintýri
*Vera með hálfsmánaðar samfelt þema byggt á ævintýrum

Dagbók

Ágúst
*Fyrstu dagana sagði ég þeim frá hvaða snilli við værum að vinna með, með ákveðnum verkefnum t.d. í skrift og lestri erum við að vinna með orðsnillina og þegar við erum að reikna erum við að vinna með tölu eða röksnillina. Þegar við teiknum erum við að vinna með rýmissnillina, þegar við erum að skoða orma erum við að vinna með náttúrusnillina. Þegar við erum að spjalla og leika saman erum við að vinna með félags- og/eða samskiptasnillina. *Smám saman verðum við meðvitaðri t.d. þegar þau fóru að spyrja en þegar við erum í tónlist? Eða þegar við erum í smíði, leikfimi, myndlist?
*Þessa daga unnum við mikið með orð og röksnillina ásamt samskipta og félagssnilli, rýmisgreindin kom þó nokkuð við sögu.

Ævintýri
*Erum að hlusta á ævintýrið um Ronju ræningjadóttur eftir Astrid Lindgren
*Sagði þeim að við ætluðum að búa til regnboga til að hafa í regnbogalandi, þau eru mjög spennt
*Spurði þau hvort þau myndu vilja búa til mynd af kastala og skilrúm í ævintýraland þau urðu mjög spennt og vilja byrja sem fyrst

September
*Höfum unnið mest með orðsnilli, tölusnilli/röksnilli, samskipta og félagssnilli. Þá hefur rýmis- eða myndsnillin komið við sögu.
*Í umræðum eru nemendur mjög sniðugir að koma með snilli orð sem þeim dettur í hug í tengslum við fjölgreindarkenninguna. Ég spyr þau: Hvaða snilli vorum við að vinna með í dag. Þá kemur svar eins og orðsnillina, íþróttasnillina, söngsnillina.
*Í náttúrusnillinni erum við að vinna með veðrið fara út mæla úrkomu, skrá hana hjá okkur og hitann12.09.03
*Þar sem Gardner lagði áherslu á að nota orðið greind í kenningu sinni þá ætla ég að taka orðið greind upp í stað snilli. Ég byrjaði að nota orðið snilli af því að veggspjöldin okkar eru þýdd á þann hátt en til að koma kenningunni til skila ætla ég að nota orðið greind. Þó Gardner segði að það væri ekki nauðsyn að nemendur vissu af kenningunni þá finnst mér það á þessu stigi vera hluti af verkefninu, til að gera þau meðvituð um að hægt sé að velja mismunandi leiðir.
*Það hafa komið ansi skemmtilegar tilgátur að greindum t.d. sagði einn nemandinn svo glaður, hann var að uppgötva og muna svo skemmtilegan atburð frá því fyrr um daginn, að þau hafi verið að vinna með "fíflastgreindina" (staða þar sem kom upplausn í kennsluna). 20.09.03
*Þegar við komum úr ferðinni á Úlfarsfell kom ein skemmtilega greind sem er fjallgöngugreindin...!
*Erum að vinna með veðrið í samræmi við fjölgreindarkenninguna t.d.
- við skoðuðum myndband,
- lásum sögur,
- teiknuðum myndir,
- gerðum tilraunir með hitamæli og veðurathugun,
- gerðum könnun
- sungum
-dönsuðum
- bjuggum til bók úr verkefnunum
-lærðum um veðurtákn og áttir
*Nemendur eru búnir að uppgötva að við vinnum með málgreindina á hverjum degi. Þau eru dugleg að finna greindirnar og muna t.d. rök og stærðfræðigreind. 30.09.03
Með því að fara yfir daglega með nemendum hvaða greindir við vorum að vinna með styrkist ég í hvaða greindir við erum að vinna með. Það er mikil skörun að mínu mati í greindunum, við erum kannski að vinna með málgreind, hreyfigreind, tónlistagreind á sama tíma og svo framv.

Ævintýri
*Erum að hlusta á ævintýrið um Ronju ræningjadóttur eftir Astrid Lindgren
*Nemendur eru áhugasamir og spyrja hvenær við ætlum að búa til regnbogann og kastalann! 12.09.03
*Við lásum bókina um Regnbogafiskinn og teiknuðum myndir af honum
*Það tókst vel að lita grisjurnar sem bíða nú bara eftir að verða settar upp í regnboga. Vonandi náum við að hengja upp kústsköftin (sem á að halda regnboganum uppi) 28.09.03
*Byrjuðum á að vinna kastalann, saga út, pússa og mála hann. Einnig söguðum við út fyrir brúðuleikhúsi og pósthúsi sem verður sama platan. Klárum að mála kastlaskilrúmið í næstu viku og maskínupappírinn á veggina. 28.09.03
*Horfðum á myndbandið um Ronju Ræningajdóttur 30.09.03

Október

*Umræðan hefur haldið áfram um hvað greindir við erum að vinna með. Það hefur skýrst betur hvaða fag fylgir hverri greind. Þau eru búin að átta sig á að dansinn fylgi hreyfigreindinni og tónlistagreindinni. Kláruðum þessa viku að vinna með veðrið, veðurbókina. 12.10.03
*Þau eru mjög fljót að finna hvaða greindir við höfum verið að vinna með á daginn.29.10.03

Ævintýri
*Erum enn að vinna með kastalann. eigum eftir að skrúfa skilrúmin saman og skreyta bakrunninn, vonandi klárum við það í næstu viku.
*Byrjuðum að lesa söguna um Línu Langsokk eftir Astrid Lindgren 3.10.03
*Kláruðum kastalann 11.10.03 Það var mjög spennandi að fara að leika í honum. Við erum langt komin með að útbúa, pósthús, brúðuleikhús, búð og sjónvarp.
*Skilrúmin tilbúin, þeim þykir gaman að fara í pósthúsleik og eru mikið að skrifa þar.
*Unnum með skordýr, þar á meðal kóngulær. Nemendur fundu það fljótt út að þær þyrftu að vera yfir kastalanum því að það væri enginn kastali án kóngulóa. 29.10.03

Nóvember
*Erum enn að spá í hvaða greindir við vorum að vinna með í dag. Þau komu með matreiðslugreindina sem er ekki svo vitlaus það er kannski tíunda greindin... en við ákváðum að svo stöddu að greindin félli inn í hreyfgreind og rýmisgreind. 7.11.03
*Hef unnið með Einingu í hringekju. Ég hef boðið uppá 2-4 bls í einingu, tölvuforritið Boga blýant og Búðaleik. Þetta hef ég gert í tvær vikur og gekk vel með það. Hóparnir eru mis sjálfstæðir, en ég valdi í þá með það í huga að hafa hjálpar hellur í hverjum hóp. Tíminn sem fer í þetta er fjórar til fimm kennslustundir. 20.11.03

Ævintýri
*Erum að vinna með ævintýrið um þyrnirós. Ætlaði að láta þau skrifa upp textan sjálf, en það er of mikil vinna fyrir þau. Þannig að við klipptum hann saman, niður af textablaði sem ég kom með og settum upp í trébók sem við erum með. 7.11.03
*Tókum leikþáttinn upp á myndband. 14.11.03
*Útbjó matsblað 15. 11.03
*

Desember
*Tíminn hefur farið í helgileikinn og í amstri dagsin hef ég gleymt að fjalla áfram um greindinranr sem er líklega í lagi þar sem þau eru orðin nokkuð meðvituð um greindirnar.
*Prufaði að leggja fyrir þau broskalla matsblaðið sem ég útbjó - það gekk mjög vel. Ég lét þau ekki koma með rökstuðning á fyrsta matinu, eingöngu merkja við viðeigandi tákn.

*Fórum í samvinnu við 3. bekk í hringekju, búum til jólasveina, stjörnur, jólatré og jólakött.
*Þau búa til sögu eða ævintýri um jólaköttinn og jólatré.

Endurmat

1. Hvað gekk vel og hversvegna
2. Hvað mátti betur fara og hversvegna?
3. Hvert er framhaldið?
4. 1-2 spurningar um verkefnið

Hef ég náð markmiðum í vinnu með fjölgreindarkenninguna?
*Að nemendur fái að vinna með allar greindirnar
*Að nemendur fái fjölbreyttar kennsluaðferðir
*Að nemendur verði meðvitaðir um hvaða greindir þeir eru að vinna með
Já það má sjá í kaflanum um Hvað gekk vel og hversvegna í endurmatinu.

1. Hvað gekk vel og hversvegna
Í tengslum við fjölgreindarkenninguna og fjölbreytta kennsluhætti gekk mér vel. Nemendur eru orðnir meðvitaðir um greindirnar og koma með skemmtilegar hugmyndir að greindum sem falla að kenningum Gardners en með nýjum nöfnum. Sú greind sem eru minnst áberandi er sjálfsþekkingargreindin en hún fellur mjög að lífsleikninni og daglegu lífi. Þau eiga erfitt með að koma auga á þætti innan hennar. En eftir áramót má reyna að koma þessari greind meira að.
Kennsluaðferðinar sem ég hef nýtt fyrir áramót eru margþættar, má þar nefna, útlistunarkennslu sem inniheldur smáfyrirlestra, sýnikennslu, fræðslumyndir og hlustunarefni. Þjálfunaræfingar má þar nefna vinnubókarkennslu, vinnublaðakennslu, töflukennslu, lesið spurt og spjallað, námsleiki, námsspil, þjálfunarforrit og endurtekningaræfingar. Verklegar æfingar til dæmis í vinnu með ævintýrið um Þyrnirós. Umræðu og spurnaraðferðin kom við sögu með samræðum og þankahríð. Innlifunaraðferðir og tjáning hefur verið ríkandi í kennslustofunni, komu ævintýrin þar sterkt inn. Einnig með söng, tónlist, tjáningu, ritun og sköpun.
Þrautalausnir komu við sögu í stærðfræði. Leitaraðferiðir einkenndust af tilraunum og vettvangsathugunum til dæmis í tengslum við verkefni um veðrið og skoðun á smádýrum. Mikið var um hópvinnubrögð í ýmsum verkefnum eins og kristinfræði og ævintýrinu um Þyrnirós. Að lokum er það kennsluaðferðin sjálfstæð skapandi vinnubrögð þar sem þema kemur við sögu, má þar nefna, þema um veðrið, bangadaginn, ævintýrið um þyrnirós, kristinfræði, 1. des, Jónas Hallgrímsson og smádýr.
Þetta endurmat og yfirlit um fjölbreytta kennsluhætti sýnir mér að við höfum komið víða við í kennslustofunni á þessari önn og ég má vera ánægð. Það er mikil vinna sem liggur að baki og erfiðið hefur skilað sér með fjölbreytnileika og vonandi ánægðum nemendum.
Verkefnið ævintýraleg kennslustofa sé ég í þessu endurmati að samræmist fjölbreyttum kennsluháttum og passar vel með fjölgreindarkenningunni.

Eftir áramótin er ætlunin að samþætta eða tengja námsgreinar og greindirnar betur við ákveðið þema verkefni.
Hugtakið samþætting námsgreina hefur verið hugsjón mín frá 1997 þegar ég var í framhaldsnámi í listgreinum, síðan bættist við hugmyndina að kennslustofan væri ævintýraheimur og samræmist það einnig hugsjónum mínum og tengingum við þá hugmyndafræði sem er í huga mínum við skipulagningu kennslunnar þ.e. fjölgreindarkenninguna, hugmyndafræði Reggio Emilía, samvinnunám, þemavinnu og hugsmíðahyggjuna. Einnig er mér alltaf ofarlega í huga setning Dewy "Learning by dooing" þar sem sú námsleið hentar mér mjög vel sem nemanda. Og samræmist það fyrrgreindum kenningum og hugmyndafræðingum. Því er það mín hugsjón og trú að fjölbreyttir kennsluhættir sé það eina rétta í kennslustofunni til að koma til móts við alla nemendur, sem eru jú með mismunandi þarfir og henta mismunandi námsleiðir. En það að gera tilraunir og upplifa trúi ég að sé sterkasta kennsluaðferðin, þjálfun þarf einnig að koma við sögu til að styrkja ákveðna þætti.

Hef ég náð markmiðum í vinnu með Ævintýrum í kennslustofunni?
*Að læra í gengum leik
*Að gera kennslustofuna að ævintýraheim þar sem nemendur geta prufað mismunandi hlutverk
*Að nemendur fái að skapa ævintýrablæ á kennslustofunni með verkum sínum
*Að kynnast mismunandi ævintýrum
*Að kynnast hvernig á að byggja upp sögu eða ævintýri
*Að tengja allar námsgreinar við ævintýraheiminn

Kennslustofan okkar er komin með ævintýrablæ sem nemendur hafa skapað og eru ánægðir með. Nemendur hafa fengið tækifæri til að bregða sér í ýmishlutverk. Við höfum verið að læra í gengum leik t.d. í búðaleik, tölvum, með kubba, spilum og öðrum þroskandi leikföngum og verkefnum.
Kennari og nemendur hafa lesið ýmis ævintýri og unnið með í íslensku, stæðrfræði og á skapandi hátt í hópaverkefnum og einstaklingsverkefnum.
Í vinnu okkar með Þyrnirós höfum við skoðað hvernig á að byggja upp sögu. Við komum til með að vinna áfram með uppbyggingu sagna eftir áramótin og við lagasmíð og ljóðagerð.

Mat
Ég Prufaði að vinna með matsblað sem ég bjó til, matið gekk vel það voru allir ánægðir með hópverkefnið nema einn drengja hópur sem lenti í árekstri - en sami drengja hópur hafði búið til skjaldamerki og var mjög ánægður í því hópverkefni miðað við niðurstöður frá matsblaði. Niðurstöður þeirra mats styrkir mig í því að það er rétt að vinna hópavinnu því nemendur eru almennt ánægðir.
(Þarf að minka matsblaðið það er óþarflega stórt, pappírseyðsla).

2. Hvað mátti betur fara og hversvegna?
*Ég er orðin frekar þreytt, farin að ganga á batteríinu. Verð að gæta betur að því þannig að ég verði ánægðari í kennslustofunni og hafi góðan þröskuld gagnvart nemendum. Þarf kannski að vinna mér hlutina léttar.... en það stangast á við hugsjónir mínar og trú og því geng ég of mikið á batteríinu mín og verð of þreytt. Er að reyna að komast yfir að vinna allt sem er ættlast til frá öðrum og síðan er ég harður húsbóndi gangvart sjálfri mér og ættlast til mikils af mér.

3. Hvert er framhaldið?
1.Klára verkefnið um Þyrnirós, vinna myndböndin og hljóðsetja þau.
2. Setja verkefni í ferilmöppurnar
3. Vinna texta um Þyrnirós með laginu "Heyri ég orðið kóngur" - hópverkefni fer inn í ferilmöppu bæði ritað og sungið
4. Vinna með nýtt ævintýri sem er samþætt við ýmsar námsgreinar eða kenningar - markvissar og með fjölgreindarkenninguna betur til hliðsjónar.
5. Fara í hringekju þar sem við notum fjölgreindarkenningarhringinn til að finna verkefni til að vinna útfrá - fá jafnvel foreldra í samvinnu með það verkefni og nota þá vefefni frá Gullkistunni.

4. Spurningar fyrir þróunarverkefnið.
*Ég er að velta fyrir mér hvort ég eigi að kalla verkefnið mitt "Samþætting námsgreina á vængjum ævintýranna" og samþætta þannig þróunarverkefnið mitt um fjölgreindarkenninguna og ævintýrin.
*Hvernig næ ég að gera kennslustofuna að ævintýraheimi? Til að koma til móts við setninguna sem ég hef trú á frá Loris Malaguzzi sem er "Barnæskan á að vera skemmtilegt ævintýri"

*Af hverju ætti kennslustofan að vera ævintýraheimur?
*Hversvegna ævintýri?
*Hversvegna fjölgreindarkenningin?
*Hversvegna fjölbreyttir kennsluhættir?

Janúar
Hef ekki unnið mikið með ævintýri þennan mánuð. Tíminn hefur farið í stærðfræði og önnur íslensku verkefni en um ævintýri.
Er á leið í að leggjast yfir þetta verkefni. Koma með svör við spurningum frá endurmati í desember.
Ekki einu sinni búin að klára að klippa allar tökur um þyrnirós.

Er að byrja á þema um dýr. Þarf að skoða ævintýri þar inní. Hef sett verkefnið upp útfrá fjölgreindarkenningunni. Vinna kannski með Búkollu, Köttinn sem fór sinar eiginleiðir, Litla gula hænana, hund, kind, hest.

Mars
Sameiginlegt þema um ævintýri í öllum skólanum, það voru mismunandi verkefni í boði, vinna með álfa, tröll, furðudýr, draugasögur og Jón og tröllskessuna sem voru máluð úti.

Pósthús hringekja var mjög vinsæl í mars. Nemendur spurðu iðulega hvort við gætum farið í hana.
Hringekjan var sett upp með fjölgreindarkenninguna í huga. Þar sem ég reyndi að koma sem flestum "greindum" fyrir.
Nemendur eru búnir að átta sig á að í hringekjuvinnu, þemavinnu og úti í frímínútum erum við að vinna með félagsgreind eða samskiptagreind.
Við bjuggum til páskabók í kristinfræði.

Þar sem við erum móðurskóli í breyttum kennsluháttum tókum við þátt í sýningu í Borgarleikhúsinu, nemendur bjuggu til stafi fyrir sýninguna
Við héldum þar fyrirlestur þar sem við kynntum þróunarverkefni okkar þ.e.s. kennararnir.

Apríl
Nú í apríl byrjuðum við að vinna með textan í sögunni um Rauðhettu. Það fer mikill tíma í þá vinnu.
Eftir páskafrí ætlum við að setja upp leikrit, skuggaleikhús, teiknimynd og fingrabrúðuleikrit. Sem þau koma síðan til með að sýna foreldrum á bekkjarkvöldi í apríl lok eða í maí byrjun. 2.04.04 - frestuðum þessu verkefni til 28. apríl.
Apríl er frekar stuttur mánuður vegna páskaleyfis. Mestur tími fór í pósthúshringekju, lestur og vinnubókaval. (Vinnubókaval er að hægt er að velja að vinna í Pínu litlu ritrún, Viltu reyna, Ás, Tíu tuttugu eða skrift eftir því hvar hver og einn er staddur. Eftir 25 mín skipta þau í eitthvað annað verkefni innan valsins.)

Maí
Erum að vinna með ævintýrið um Rauðhettu. Fingrabrúðuleikhópurinn vann leikmynd. Teiknimyndahópurinn tók ljósmyndir og klippti saman í tölvunni myndband. Nemendur sýndu síðan leikritið um Rauðhettu á bekkjarkvöldi fyrir foreldra sína
Næst unnum við með þema um Korpúlfsstaði sem var tengt við útikennslu, íslensku, stærðfræði, samfélagsfræði og náttúrufræði. Video
Unnum í mismunandi stærðfræði hringekjum.

Endurmat

Af hverju

Fylgirit 1

Fylgirit 2

Námskeið sem kennarinn sótti
*Ágúst 2003 - Námskeið á vegum íslensku menntasamtakanna - Fyrirlesari Howard Gardner 16 stundir
Það sem stendur helst upp úr þessum námskeiði er að Garnder leggur ekki upp úr að nemendur þekki endilega kenninguna. Heldur er það kennaranna að finna leið til að nýta sérkenninguna. Hann er hrifinn af hugmyndafræði Reggio Emilía, allavega myndi hann vilja senda börnin sín í leikskóla þangað.....
Hann vill nota orðið greind en ekki eitthvað annað til að koma kenningunni sterkt til skila og að það sé ekki hægt að mæla bara eina greind.

*September 2003 - Söguaðferð, leið til að efla læsi, lestur og ritun 12 stundir
Þetta var skemmtielgt náskeið þar sem ég lærði að búa til allavega bækur með nemendum til að efla titun á skapandi hátt.
Hefði mátt nota tíma til að gera söguramma saman. Það þarf alltaf að gæta þess að hafa persónur í söguaðferðinni til að byggja á, það þarf að velja hvernig maður ætlar að vinna verkefnið með börnunum og ... Við fengum ramma með hugmyndum að leiðum. Muna að takmarka sig, ekki hægt að vera endalaust í því sama til að komast yfir námskránna.

Ítarefni
http://www.ismennt.is/vefir/barnung/bokmisk.htm

http://www.ismennt.is/vefir/barnung/veganest.htm

http://www.bokasafnid.is/23arg/hlaxn99.html

Krækjur

http://www.openwaldorf.com/adventspiral.html

http://www.elib.com/Steiner/

http://www.rudolfsteinerpress.com/

Kíkja á þetta efni

Avery, Gillian and Julia Briggs. Children and their Books. Oxford, 1989.

Bettelheim, Bruno. The Uses of Enchantment: The Meaning and Importance of Fairy Tales. London, 1975.

Kristín Unnsteinsdóttir. Fairy tales in tradition and in the classroom. Óprentuð PhD ritgerð við University of East Anglia (til á bókasöfnum). 2002.

Tatar, Maria. Off with their Heads: Fairy Tales and the Culture of Childhood. Princeton, 1992.

Wardetzky, Kristin. The Structure and Interpretation of Fairy Tales composed by Children. Journal of American Folklore, 103:165–176.

Zipes, Jack. Happily Ever After: Fairy Tales, Children and the Culture Industry. New York og London, 1997.

*Mig langar að heimsækja í Ártúnsskóla
*Fara á námskeiðið Ævintýri í leik og starfi, Aðalheiði Guðmundsdóttur doktor í íslenskum bókmenntum Háskóla íslands http://www.hi.is/~adalh/
*Skoða á Netinu Waldorfsskóla

Inngangur
Hvers vegna völdum við þetta viðfangsefni?
Hvaða færni, þekkingu, leikni og skilning vildum við þróa hjá sjálfum okkur?
Hvaða færni, skilning, leikni og þekkingu vildum við þróa hjá nemendum?
-máli þessu til stuðnings vísa í markmið sem eru í þróunaráætluninni sem á að fylgja með skýrslunni, sem fylgirit 1.

Meginmál – Framkvæmd
Hvað var gert og hvernig – lýsing út frá eftirfarandi atriðum með rökstuðningi og dæmum.
Mikilvægt er að skoða þessa þætti bæði út frá okkur sem kennurum og gagnvart nemendum.
Hvað gekk vel og hversvegna hjá kennurum(okkur) og nemendum.
Hvað gekk miður og hversvegna hjá kennurum (okkur) og nemendum.

Mat á verkefninu og umbótaáætlun
Hvað lærði ég/við af þessu þróunarverkefni og hvernig vil ég/við vinna með það áfram eða hvers vegna vil ég/við hætta og taka á öðru verkefni.
Hvaða þýðingu hefur það fyrir mig/okkur að vinna að þróunarstarfi?
Hvernig vil ég/ við miðla reynslu okkar til annarra?

Athugið, að skila þessum skýrslum á tölvutæku formi t.d. með tölvupósti til skólastjóra og einu útprenti. Leturgerð á texta Times New Roman (12) meginfyrirsögn (16) og millifyrirsagnir (14)